Lisboa, 23 Juñu 2026 (GMT News) – Atakante seleksaun Portugál, Francisco Conceição, hato’o nia admirasaun ba kapitán seleksaun nian, Cristiano Ronaldo, dehan katak la iha jogadór seluk iha istória futeból mundial ne’ebé bele hanesan record gol sira ne’ebé CR7 konsege ona.
“Laiha goleadór ida hanesan Cristiano Ronaldo iha istória,” hateten Conceição.
Maske nune’e, jogadór foinsa'e Portugál ne’e esplika katak iha seleksaun Portugál la iha obrigasaun ka instrusaun espesífika atu sempre pasa bola ba Ronaldo.
“Ami la iha obrigasaun ka nesesidade atu pasa bola ba nia. Laiha situasaun hanesan ne’e iha ekipa laran,” dehan Conceição.
Nia hatutan katak bainhira iha kampu, desizaun atu pasa bola depende ba situasaun jogo no pozisaun kolega ekipa ne’ebé di’ak liu atu simu bola.
“Iha momentu ne’ebá, ha’u pasa bola ba ema ne’ebé livre ka iha pozisaun di’ak liu,” nia hateten.
Deklarasaun Conceição ne’e hatudu katak seleksaun Portugál kontinua valoriza jogu koletivu no servisu ekipa, maski Ronaldo nafatin sai figura sentrál no referénsia boot iha futeból mundial.
Cristiano Ronaldo, ne’ebé agora ho idade 41 tinan, kontinua hatudu dezempeñ aas no nafatin sai inspirasaun ba jerasaun foun jogadór Portugál sira.
GMT News