Cristiano Ronaldo uluk hein iha restorante McDonald nia liur atu simu hambúrguer sira ne’ebé restu. Maibé ohin loron, nia sai bilionáriu ida no mós ema ida ne’ebé ema barak liu iha mundu tomak koñese.

Bainhira nia prepara atu tama ba nia Kampionatu Mundiál ikus, ne’e mak pasu neen ne’ebé lori nia ba susesu extraordináriu:

1. Hahú husi buat ida laiha no transforma kondisaun ne’e sai forsa

Ronaldo moris iha família trabalhadora ida iha Madeira. Nia aman servisu hanesan jardineiru no responsavel ekipamentu iha klube futeból ida, no mós hasoru problema alkolizmu.

Maibé Ronaldo la haree nia situasaun hanesan sofrimentu. Nia dehan:
"Nee mak vida ne’ebé ami hatene. Ami la iha barak, maibé ami kontente."

2. Hili dedikasaun tomak desde sei ki'ik

Nia fó prioridade liu ba futeból duke eskola. Iha tinan 14, nia sai husi husi eskola no depois deside atu fó nia atensaun tomak ba futeból.

Depois iha tinan 15, problema ida iha korasaun ameasa atu hakotu nia mehi hotu. Maibé depois halo operasaun, nia fila fali ba treinu iha loron balu deit nia laran.

3. La’ós talentu deit maibé servisu maka’as la para

Talentu halo ema hahú nota Ronaldo. Maibé servisu maka’as no disciplina mak transforma nia sai lenda futeból.

Nia harii nia karreira bazeia ba prinsipiu simples balu: mai dahuluk, fila ikus liu, treina isin, hanoin no repetisaun konstante/bebeik.

Rezultadu:

  • Bola de Ouro 5

  • Títulu Liga dos Campeões 5

  • Golu atus ba atus

  • Record barak ne’ebé seidauk ema seluk ultrapasa

4. Transforma susesu sai rendimentu boot

Iha Manchester United no Real Madrid, Ronaldo sai atleta ida ho valor komersiál aas tebes.

Depois mai kontratu publisidade global sira ho marka boot hanesan Nike, Coca-Cola, bebida enerjétika no relójiu luxu sira.

Nee halo nia rendimentu aumenta maka’as liu tan.

5. Harii marka própriu, la’ós popularidade deit

Ronaldo hahú marka CR7 ho brand roupa íntima ida.

Ohin loron, CR7 estende ona ba moda, perfume, hotel, jináziu no to’o museu própriu ida.

Segredu importante ida mak nia la depende deit ba patrosíniu, nia investe iha propriedade no direitu lisensiamentu ba nia marka rasik.

6. Hetan rendimentu boot iha kapitulu ikus

Atleta barak komesa diminui nia desempenhu bainhira tama idade 30 resin.

Maibé Ronaldo halo buat oioin. Iha tinan 37, nia kontratu ho Al-Nassr lori nia hetan besik dolar amerikanu millaun 200 kada tinan, aumenta tan ho akordu komersiál no bónus sira.

Kontratu ne’e sai ida husi kontratu esporte ne’ebé folin aas liu iha istória.

Iha momentu ne’ebá, Ronaldo ultrapasa ona marka dolar biliaun ida iha rendimentu durante nia karreira. Mudansa ba Arábia Saudita aumenta tan nia riqueza no patrimóniu.

Husi labarik ida ne’ebé hein hambúrguer nia restu iha McDonald nia liur, Cristiano Ronaldo transforma an sai íkone global, simbolu disciplina, perseveransa no ambisaun ne’ebé la iha limite.